PRESENTATION OUTLINE
Text des Monats von Viktoria, 4a
Omas guade Palatschinkn
Ma ko de Palatschinkn sehr guad noch Gfüh mochn, oba ma soi net zvü vo ollem nemma, wei ma sunst vüzvü Toag üba hot.
Beim Toag soizt zeascht a bissei Müch mit zwoa Oa vamischn, danoch kimb Meih, a bissei vom Soiz und Zucka eini. Wonn ma's vamischt, soit a dickflüssiga Toag außakemma. Fois da Toag oba z`flüssig wa, oafoch nu a bissei Meih einidoa und fois a z'fest is, a bissei Müch.
Nochat geht's zum Herd. Du tuast in a Pfandl a bissei Butta eini und losst as donn schmözn. Wonns gschmoizn is, de Pfonn aufhem und nochan en Toag obm einilaan. Donn de Pfonn so long kroasn, bis da Bodn mit Toag voi bedeckt is.
A Zeitei muaßt woatn und nochat umdrah. Wonn da Palatschinkn auf olle zwoa Seitn a wengal braun is, donn is a fertig.
Donoch den Palatschinkn auf a Tella gem und am bestn nu mit Marmalad eischmiern, eiroin und donn konnst eam genießn. Moizeit!
