KABANATA 57
No Description
MORE DECKS TO EXPLORE
7 Strategies to Write a Speech with Ease
84648 views
10 ways
45183 views
TXLA Wrap-up 2015
9450 views
What is Creativity
67851 views
What is Media Literacy Today?
25813 views
WHY WORK WITH ME?
20254 views
PRESENTATION OUTLINE
Ang Kabanata 57 ng Noli Me Tangere ay pinamagatang "Sabi-sabi at Kuro-kuro"
Photo by ~MVI~ (warped)
Pinag-umaga, sa wakas, ng Diyos sa bayang sindak na sindak. Wala pa ring palatandaan ng buhay ang mga bahay. Gayunman, umiingit na nabuksan ang isang dahon ng bintanang kahoy at sumungaw ang ulo ng isang paslit.....
Photo by ~MVI~ (warped)
luminga-linga, pinahaba ang leeg, at tumingin sa lahat ng dako.... PLAS!
Photo by ~MVI~ (warped)
Ipinahayag ng tunog ang biglang pagtama ng isang pinatigas na katad sa sariwang balat ng tao. Napangiwi ang bata, napapikit, nawala, at muling sumara ang bintana.
Photo by ~MVI~ (warped)
Nagkaroon ng halimbawa. Tiyak na narinig ang pagbukas at pagsarang iyon sapagkat isa pang bintana ang marahang nabuksan at maingat na sumungaw ang matandang babae, kulubot at walang ngipin-Si Hermana Pute, na nambulahaw noong nagsesermon si Padre Damaso.
Photo by ~MVI~ (warped)
Ang mga bata at matanda ang mga kinatawan ng pagkamausisa sa lupa:
ang una, dahil sa hangaring malaman
ang ikalawa, dahil sa hangaring may matandaan.
Photo by ~MVI~ (warped)
Walang alinlangang walang nangahas na paluin siya ng tsinelas dahilnanatili siyang nakadungaw, kunot-noong tumanaw sa malayo, nagmumog, lumurang maingay, at saka nag-antada. Kiming nagbukas din ng isang bentanilya ang katapat na bahay at lumitaw si Hermana Rufa, na ayaw manloko at ayaw ring maloko. Sandali silang nagkatinginan, nagkangitian, naghudyatan sa isa't isa, at muling nag-antada.
Photo by ~MVI~ (warped)
RUFA: Hesus! Parang isang misa ng pasasalamat, pati kastilyong paputok!
PUTE: Mula noong looban ni Balat ang bayan,wala pa akong nakitang tulad kagabi.
RUFA: Ang daming putok! Ang sabi, pangkat daw iyon ni Tandang Pablo.
PUTE: Mga Tulisan? Hindii maari! Ang sabi, mga kuwardilyero laban sa mga sibil. Kaya hinuli si Don Filipo.
RUFA: Sanctus Deus! Santong Diyos! Ang sabi, di kukulangin sa labing-apat ang patay.
Photo by Matthias Rhomberg
Nagbukasan ang iba pang bintana, at iba't ibang mga mukha ang lumitaw at nagbatian, at nagbigay ng kani-kanilang palagay.
Sa liwanag ng araw na nangangakong maging aliwalas, matatanaw sa malayo ang mga sundalong paroo't parito, tulad sa magulong mga abuhing anino.
Photo by ~MVI~ (warped)
PERSON1: Hayun ang isa pang patay
PERSON 2: Isa? Dalawa ang nakikita ko.
PERSON 3: Hindi po, isang pag-aalsa sa kuwartel!
PERSON 4: Aba, mali kayong lahat. Mga Tsino ang nag-alsa.
LAHAT: Mga Tsino!
Photo by Matthias Rhomberg
PERSON 1: Kaya pala wala kang makikita kahit isa!
PERSON 3: Baka namatay lahat.
PERSON 2: May kutob akong may gagawin silang masama. Kahapon
PERSON 4: Nakini-kinita ko rin nga, kagabi...
RUFA: Sayang! Namatay lahat bago mag-Pasko. Noon sila dumadalaw na may dalang aginaldo.. Hinintay na sana nila ang Bagong Taon.
Photo by Matthias Rhomberg
Unti-unting nag,abuhay ang lansangan. Unang lumisaw ang mga aso, inahing manok, baboy, at kalapati. Sumunod sa mga hayop ang mga paslit na marumi, magkakapit-bisig, at nakikiming lumapit sa kuwartel. Saka ilang matandang babae, nakatalukbong ng mga panyuwelo sa ulo at nakabuhol sa ilalim ng baba, may tangang malaking rosaryo, nagkukunwang nagdadasal! Upang padaanin sila ng mga sundalo.
Photo by ~MVI~ (warped)
Nang makitang maari nang maglakad nang hindi binabaril, saka nagsimulang lumabas ang tila walang-bahalang mga lalaki. Sa umpisa, palakad-lakad sila sa tapat ng tribunal.
Photo by ~MVI~ (warped)
Makalipas lamang ang labinlimang sandali, kumalat ang iba't ibang bersiyon. Nais agawin ni Ibarra, kasama ng kaniyang mga katulong, si Maria Clara, at ipinagtanggol ang huli ni Kapitan Tiago katulong ang guwardiya sibil.
Photo by ~MVI~ (warped)
Hindi na labing-apat kundi tatlumpu ang bilang ng mga patay. Nasugatan si Kapitan Tiago at aalis ngayon din patungong Maynila kasama ang kaniyang pamilya.
Photo by ~MVI~ (warped)
Lumikha ng malaking bulong-bulungan ang pagdating ng dalawang kuwardilyerong may buhat na kamilya na anyong tao ang laman at kasunod ng isang guwadiya sibil. Sinapantahang muli sila sa kumbento. Batay sa anyo ng iba pang nakalawit, mag humula kung sino siya. Sa di-kalayuan, may nagsasabing siya nga iyon. Sa malayo-layo pa, dumami ang dumating na patay, at naganap ang misteryo ng Santisimo Trinidad. Naulit ang milagro ng mga tinapay at mga isda, naging tatlumpu't walo ang bilang ng mga patay.
Photo by ~MVI~ (warped)
Sa ikapito't kalahati ng umaga, pagdating ng mga guwardiya sibil buhat ang mga karatig-bayan, malinaw at detalyado na ang na ang kumakalat na bersiyon.
Photo by ~MVI~ (warped)
RANDOM PERSON: Kararating ko lang buhat sa tribunal at nakita ko roong bilanggo sina Don Filipo at Don Crisostomo. Nakausap ko ang isa sa mga kuwardilyerong nagbabantay. Aba, ipinagtapat ang lahat kagabi ni Bruno, ang anak niyong namatay sa hagupit. Tulad ng alam niyo, ipakakasal ni Kapitan Tiago ang anak sa binatang Espanyol. Nasaktan si Don Crisostomo, ibig maghiganti, at tinangkang pataying lahat ng mga Espanyol, pati na ang kura. Sinalakay kagabi ang kuwartel at ang kumbento. At mabuti nalang, sa saw ng Diyos, nasa bahay ni Kapitan Tiago ang kura. Sinasabing maraming nakatakas. Sinunog ng mga guwardiya sibil ang bahay ni Don Crisostomo at kung hindi naunang dinakip, baka sinunog din siya.
Photo by Matthias Rhomberg
PUTE: Sinunog ang bahay niya?
RANDOM PERSON: Nakapiit lahat ang mga katulong. Tingnan ninyo, nakikita pa mula rito ang usok! Pawang malungkot ang isinasalaysay ng lahat ng galing doon.
ASAWA NI PUTE: Kawawang binata!
PUTE: Oo. Ngunit tingnan mo, hindi siya nagpamisa kahapon ukol sa kaluluwa ng kaniyang ama, na walang-alinlangang higit na nangangailangan kaysa iba
Photo by Matthias Rhomberg
ASAWA NI PUTE: Ngunit tao ka, wala ka abng awa?
PUTE: Awa sa mga eskomulgado?Kasalanan ang maawa sa mga kaaway ng Diyos, sabi ng kura. Naalala mo ba? Sa kamposanto. kung lumakad siya, akala mo'y nas akural ang hayop!
ASAWA NI PUTE: Ngunit magkamukha lamang ang kural at ang kamposanto. Maliban sa pangyayaring sa una'y iisang uri lamang ng hayop ang pumapasok.
PUTE: Makikita mo! Ipagtanggol mo pa ang maliwanag na pinarurusahan ng Diyos. Tingnan mo kundi dakpin ka rin. Bumabagsak na ang bahay na sinusuyahan mo!……
Photo by Matthias Rhomberg
PUTE: Aba! Pagkatapos niyang pagbuhatan ng kamay si Padre Damaso, wala na nga siyang ibang magagawa kundi patayin si Padre Salvi.
ASAWA NI PUTE: Ngunit hindi maitatangging mabait siya noong bata.
Photo by Matthias Rhomberg
PUTE: Oo, mabuti siyang bata. Ngunit pumunta sa Espanya. Lahat ng pumupunta sa Espanya ay nagiging erehe, sabi ng mga kura.
ASAWA NI PUTE: Ohoy? At ang kura, at lahat ng mga kura, at ang Arsobispo, ata ang Papa, at ang Birhen, hindi ba't taga Espanya sila? Aba! Magiging erehe rin ba sila? Ha?
Photo by Matthias Rhomberg
Mapalad si Hermana Pute. Naputol ang pagtatalo dahil sa pagdating ng isang babaeng katulong na humahsngos, balisang-balisa, at namumutla.
Photo by ~MVI~ (warped)
KATULONG: May nagbigti sa taniman ng ating kapitbahay!
LAHAT: Nagbigti!?
KATULONG: Opo, opo. Mangunguha sana ako ng bataw... Tumanaw ako sa pataniman ng kapitbahay upang makita kung... Nakita ko ang isang lalaking nakabitin... Lumapit ako upang manghingi ng bataw, at hindi pala siya, iba pala, isang patay. Nagtatakbo ako, nagtatakbo.
Photo by Matthias Rhomberg
ASAWA NI PUTE: Tayo na, tingnan natin. Smaahn mo kami.
PUTE: Huwag kang aalis! Baka may masamang mangyayari sa iyo. Nagbigti ba? Aba, lalong masama sa kaniya!
ASAWA NI PUTE: Bayaan mo nang tingnan ko. Pumunta ka, Juan sa trubunal at ipaalam mo. Baka hindi pa patay.
Photo by Matthias Rhomberg
At pumunta siya sa taniman, kasunod ang katulong na nagtatago sa likuran niya. Sumunod ang mga babae, pati si Hermana Pute, na lipos ng takot at hilig mag-usisa.
Photo by ~MVI~ (warped)
KATULONG: Hayaan po
Sabi ng katulong na huminto at isinenyas ng hintuturo. Tumigil ang pangkat sa katamtamang layo at pinabayaang mag-isang lumapit ang matandang lalaki.
Photo by Matthias Rhomberg
